Mondra

Artista, cantareiro e bailador, Mondra é un dos nomes máis sobranceiros da escena musical galega. Co seu álbum debut, titulado ARDĒN (Altafonte, 2023), acada o recoñecemento unánime de público e crítica. No mes de maio de 2025 Mondra lanza o seu segundo traballo discográfico, DE RONDA (Altafonte, 2025), un álbum persoal e irreverente, da man de Hevi (Laboratorio Soyuz). Sobre os palcos, Mondra realizou entre 2023 e 2024 máis de oitenta concertos dentro e fóra da xeografía galega coa súa FOLĪA das ARDENTES, aclamada polo público. Da mesma maneira, en 2025 e 2026, A RONDA seguíu a encher palcos pola Galiza e o resto do estado, cun espectáculo no que a música, o corpo e a escena dialogan coa tradición para significala desde o presente. No capítulo de recoñecementos, recibiu entre outros galardóns o Premio Martín Códax ao Mellor Álbum de Electrónica 2024 por ARDĒN, o Premio Mestre Mateo ao Mellor Videoclip 2025 por MARIMONDRA ou Premio aRi[t]mar á Mellor Música do 2024 na Galiza polo seu tema “quererse ben”.