Appel

Appel is die verhoognaam van Christoph Kotzé, ’n Afrikaanse sanger, liedjieskrywer en storieverteller wie se musiek al lankal uit die radio geklim het en tussen mense begin woon het. Sy liedjies leef op grondpaaie, om vure, in bakkies, by troues, by feeste en op daardie stil rit huis toe wanneer ’n mens meer voel as wat jy sê. As liedjieskrywer het Appel vir van die grootste stemme in Afrikaanse musiek geskryf, onder andere Theuns Jordaan, Karlien van Jaarsveld, EDEN, Bok van Blerk, Laurika Rauch, Jo Black en Roan Ash. Sy werk is bekroon met Ghoema Liedjie van die Jaar vir Superhero deur EDEN, terwyl sy eie album Wille Ding die Aitsa Toekenning vir Album van die Jaar ontvang het. Met ongeveer 980 000 volgelinge oor platforms en meer as 476 000 Spotify volgelinge, bly die kern tog eenvoudig: regte stories, regte mense en liedjies wat iets eerlik in gewone taal probeer sê. Sy katalogus sluit geliefde liedjies in soos Boer Loop Deur My Are, Kom en Lê My Neer, Lemoene saam met Bok van Blerk en Nora Vlok saam met Die Heuwels Fantasties. Sy nuwe EP Genesis het weer ’n vars spoor getrap met Alice, Boer Hier Binne My en Sterre. Sommige luisteraars beskryf hom as ’n hedendaagse Koos du Plessis, nie omdat hy probeer nadoen nie, maar omdat sy beste liedjies stil waarhede dra. Appel se musiek is vir die pad, die naweek, die familietafel en die hart van Suid Afrika.