Eris Mackenzie

Carlos Eirís, coñecido artísticamente como Eris Mackenzie, é un produtor, compositor e cantante galego. A súa proposta móvese entre o íntimo e o disruptivo, na procura dun son propio, reforzando a súa particular conexión entre a música tradicional galega e a electrónica contemporánea. Mediante a integración de elementos de electrónica -minimal, techno, hardstyle, etc- con ritmos tradicionais, alalás e outras músicas, o artista narra as súas experiencias persoais, con crueza e sensibilidade. Eris Mackenzie canta sobre as relacións afectivas, conflitos familiares, a autoexigencia ou a saúde mental. Un repertorio explora e reinterpreta os fundamentos da música tradicional galega, fusionándoos cos sons electrónicos máis puros para expresar emocións profundas.