Kentár

Hljómsveitin Kentár eða Centaur, Benni, Gummi, Ellertsson Jonni og Siggi Sig., var stofnuð á tónleikum með Babatunde Tony Ellis í Höllinni sumarið 1982. Upphófust miklar og strangar æfingar oft í viku og þótt þungarokkið ætti hug allra meðlima á þessum árum var blúsinn aldrei langt undan. Mannabreytingar urðu, Benni og Jonni hættu en Einar og Pálmi Sigurhjartarson komu, sem leiddu okkur nær eingöngu í blúsinn, mjög fjölbreyttan samt. Árið 1987 gáfum við út hljómplötuna Blús djamm og svo blús á Grandrokk (Live) 2003. Tommi var með á þeirri plötu, en þá var Einar hættur og Matti kominn. Lengi lifir í gömlum glæðum. Gamall kláði tekur sig upp og farið er að hringjast á og spekúlera í að taka lagið saman. Það höfum við svo gert reglulega með mislöngum hléum..