Kurt Darren

Kurt Darren se musiek speel kliphard by kuiers, troues en feeste, want dit laat mense goed voel oor die lewe. Geen wonder Kurt Darren het reeds 9 SAMA Toekennings en meer as 12 Platinum- en 22 Goue Toekennings op sy kerfstok. Hy is al sedert die laat 90’s ‘n integrale deel van die Suid-Afrikaanse musieklandskap en top vandag steeds charts regoor SA. Hy’s die Kaptein van Sokkie en staan altyd reg met ‘n nuwe treffer. Na die massiewe sukses van onlangse treffers “6 7” en “Hop Hop Spinnekop” (PLATINUM), neem Suid-Afrikaanse trefferkunstenaar Kurt Darren aanhangers terug na waar hulle oorspronklik op sy musiek verlief geraak het — die dansvloer. KURT DARREN GAAN JOU LAAT "SPIN" HIERDIE VAKANSIE! Net betyds vir die feesseisoen keer Kurt Darren terug met nóg 'n onweerstaanbare sokkie-treffer, "Spin", wat op 20 November vrygestel word.