Young Dadi

Young Dadi е млад артист од Скопје препознатлив по својот уникатен стил, инспириран од различни жанрови и секогаш отворен за експериментирање и правење на музика надвор од зоната на комфорот. Неговата кариера започнува во 2019 година, а првиот сингл кој го става на мапата е Pina Colada. Иако сѐ уште млад, позади своето име има богата дискографија, повеќе песни и едно EP, Боенка, кое излезе во април 2020 година. Летото 2021 почнува неговата успешна серија на синглови кои го прават еден од најактуелните артисти на сцената во моментов. Досега има настапено на најзначајните македонски фестивали, Таксират и Д Фестивал, како и концертот на мегапопуларниот Tyga, има многубројни настапи во различни градови, и полека но сигурно ја освојува цела Македонија. Ова лето беше дел од EXIT фестивалот во Нови Сад, Србија. Како дел од соработките кои вреди да се споменат се Bon Praskiza, Matej Foltz ,Sexy Marsa, а постојано соработува со локални и млади артисти и продуценти од неговото опкружување. На 28 мај го објави првиот дел од неговиот деби албум насловен “Scorpius” , а моментално работи на вториот чаптер.