Tibu

2010-cu ildə "KM Family" qrupu ilk böyük konsertini təşkil edərək, “Bu ilk zərbədir” adlı ilk albomunu Bakı kinoteatrında təqdim edir. 2011-ci ildə şəxsi səbəblərə görə tərkib dəyişir və qrupdan G-Life, Lito, Son ayrılır. Əlavə olaraq isə qrupa Tefo qoşulur və "KM Family" (Tibu, Sheyh Ree, Tefo) 3 nəfərlik heyyətlə ATV kanalında kifayət qədər səs-küy yaradan və qrupun tanınmasında böyük rolu olan “Qrup nömrə bir” yarışmasında yarım finala qədər yüksəlir. Quba, Gəncə konsertlərindən sonra isə "KM Family" qrupu ikinci böyük konsertini təşkil edir. Konsertin xüsusi qonağı isə Uran olur. Həmin ildə "Bizə yol ver", bir il sonra isə “Bizə yol ver 2" trekləri Azərbaycan repində böyük marağa səbəb olur. 2013-cü ildə qrupun üzvü Tibu “Mənim ağıllı Dəlim” adlı solo albomunu təqdim edərək, ilk solo konsertini də təşkil edir. 2014-cü ildə Tibu və Tefo “Rezonans” adlı albomlarını satışa çıxardır. "BACKSTAGE" geyim mağazasında təqdimatı olan albomun ilk həftə ərzində 1000-dən artıq nüsxəsi satılır. 2014-2015-ci il ərzində Tibu son 4-5 solo işini təqdim edir. Bundan sonra isə “Vida” adlı trekini təqdim edir və həmin ad altında konsertini verib, hərbi xidmətə yollanır. 2017-ci ilin fevral ayından başlayaraq “Oxatan”, “Xeyir dua” və “Qələbə günü” adlı yeni işlərini təqdim edir və bununla da rep meydanına geri dönür. 2018-ci ildə Tibunun təqdim etdiyi “Alo” klipi daha çox populyarlıq qazanır. Bu onun televiziyada yayımlanan ilk klipi olur